April 18, 2013

පළමු වන විජයබාහු රජතුමා




පළමු වන විජයබාහු වශයෙන් සලකනුයේ ද මෙම රජතුමා ය. දකුණු පළාතේ මුල්සල නම් පෙදෙසේ මුගලන් නමැති පියෙකුට හා ලෝකියා දේවි නම් මාතාවකට දාව බිහි ව ඇති මෙතුමා කුඩා අවදියේ සිට ම අභීත කමින් පිරිපුන් වීර චරිතයකි.

"තුන් සිංහලය එක්‌සත් කරමි යි" හැඟුමෙන් කටයුතු කළ මෙම රජතුමා ඊට මවුපියන් ගෙන් අවසර පැතුව ද එය නොලැබුණෙන් නිවෙස හැරගොස්‌ සතුරන් ජයගෙන පොළොන්නරුව රාජධානිය කොට ක්‍රි. ව. 1065 වර්ෂයේ දී රජකම ට පත්විය. රාජාභිෂේක ලද මෙ තුමා තම රාජධානිය වටා දිය අඟලක්‌ තනවා ඒ වටා ප්‍රාකාරයක්‌ ද කරවී ය. ශාසනයේ දියුණුවට මහගු මෙහෙයක්‌ ඉටු කළ විජයබා රජතුමා බුරුම දේශයෙන් ද භික්‌ෂූන් ගෙන්වා සෑම නිකායක ම භික්‌ෂූන් ට සිව් පසයෙන් උපස්‌ථාන කළේ ය. දළඳා මැදුරක්‌ ද ඉදි කරවා පාළි භාෂාවෙන් වූ පොත පත සිංහලයට පරිවර්තනය කිරීමට සහයෝගය දක්‌වනු ලැබීය.

එ පමණකුදු නොව මෙම රජතුමා දක්‌ෂ කවියෙකු විය. කවි ලියන්නන් ට ද අනුබල දුන් මෙ තුමන් ගේ සමාජ සේවය ඉතාමත් ඉහළ ය. චසර පනස්‌ පහක්‌ පමණ ආයු වැළදූ මේ විජයබා රජතුමා අනාගත රජවරුන් ට දුන් ආදර්ශය ශ්‍රේෂ්ඨ ය.